بالإسلام نحيا .. دمعة على الثورة في مصر

آه يا مصر انتي فين

قمتي إمتى وعلشان مين

علشان جنيه ولا علشان النصابين

وأما نبينا سُب كنتي فين

والصحابة بقوا عُرضة للكدابين

يتشكك فيهم في كل حين

وأطفال أمة الإسلام مدّبحين

في البوسنة والعراق وفلسطين

ومسلمين غزة متحاصرين

مقامتش ثورة للمؤمنين

قامت ثورة في الميدان مش عايزة دين

مرفوع فيها قداس الصليبيين

يا سلام عليكوا يا شباب الثورة يا مباركين

يا شباب الفيس بوك يا ثوريين

يا بتوع الحرية والعدالة الإجتماعية

عايزينها ليبرالية ولا علمانية

حسرة قلبي على الخلافة الإسلامية

حسرة قلبي على اللي لبسوا ثوب الجاهلية

رافعين شعار كبير مزيف إسمه الوطنية

والإنتماء للأرض بالعَلَم والأغنية

دلوقتي كله بيركب الموجة ديّه

لكني مصري أحَب بلاد الله لله أحبها ليا

وما فيه خير لمصر من غير تقوى وشريعة إسلامية

وبقولها بكل صراحة الإسلام مفيهوش ديموقراطية

ولا فيه أحزاب كتير ولا مواطنة وتعددية

واللي رافض كلامي يجيب حديث أو آية قرآنية

واللي رافض ميكلمنيش لأني معرفش غير الدولة الإيمانية

الإيمان بالله هو الدستور اللي فيه النور لكل أيامنا الجاية

وطاعة الرسول سلم الوصول لريادة مليونية

والعلم والجهاد والدعوة في البلاد طريق الرفاهية

والعدل بين الناس في دولة الإسلام سياسة حكومية

وأمير المؤمنين ما بينام الليل بيحرس الرعية

وكل فرد فيها مش همه الشهوات وحياة استمتاعية

قبل ما يفكر ياخد بيفكر يعمل إيه لحياة أبدية

وبنفس التفكير أجدادنا المسلمين بقوا أمة تاريخية

أبهروا كل الدنيا بالعدل والتوحيد وأخلاق مثالية

وأول خطوة لمصر تلاحق بيها العصر أكيد تربوية

والنشء والشباب همة أكبر باب لثورة أخلاقية

عودي يا مصر لدينك إحنا محتاجينك تناهضي الصهيونية

تحاربي في الرذيلة تنشري الفضيلة في الكرة الأرضية

وما بين العبيد تنشري التوحيد لرب البرية

وساعتها تكون مصر فعلاً حققت النصر وأخدت العالمية

* * * * * * * * *

منقول

بارك الله فيكي